Dersom du opplever mistrivsel, er skuletrøytt, har personlege utfordringar eller strevar mykje med eitt eller fleire fag, kan du – i samarbeid med kontaktlæraren din – ta kontakt med skulen sin sosialpedagogiske rådgjevar.
Den sosialpedagogiske rådgjevaren skal hjelpe deg med å finne deg til rette i vidaregåande opplæring. Dette gjeld både dersom du opplever faglege vanskar, og dersom du har sosiale eller emosjonelle utfordringar som kan påverke skulekvardagen din.
Rådgjevaren kan òg vurdere behovet ditt for vidare oppfølging og støtte, og ved behov bidra til å formidle kontakt med andre aktuelle instansar. Den sosialpedagogiske rådgjevingstenesta samarbeider mellom anna med Pedagogisk-psykologisk teneste (PPT), Oppfølgingstenesta (OT), skulehelsetenesta og barnevernstenesta.
Rådgjevaren er underlagd teieplikt. Du skal derfor kunne kjenne deg trygg når du tek opp ulike tema. I samråd med rådgjevaren er det du som avgjer om, og eventuelt kven, andre samarbeidspartnarar skal kontaktast for å sikre at du får den hjelpa du treng.
Samson Håland
Samson Håland
ass. rektor