Helse- og oppvekstfag

Vg1 helse og oppvekst 

Helse- og oppvekstfag er eit utdanningsprogram som fører fram til yrke som til dømes helsefagarbeidar, barne- og ungdomsarbeidar, hudpleiar, ambulansearbeidar, farmasiteknikar og fotterapeut. Her får du kunnskap om helsefremjande arbeid, korleis kroppen er bygd opp, hygiene, førstehjelp, sjukdommar, velferdsteknologi og kosthald. Du lærer om kommunikasjon, samarbeid og sosial kompetanse. I faga får ein knytt teori og praksis saman. Skulen har eit klasserom som er utstyrt med sjukehussenger og anna relevant utstyr som gjer at me kan gjera praktiske øvingar. VR-briller vert også nytta i opplæringa.

I faget yrkesfagleg fordjupning (YFF) får du moglegheit til å få yrkespraksis ute på arbeidsplassar. I tida fram til haustferien er det felles teoretisk innføring for alle elevar før de eventuelt skal ut i praksis. Me prøver så langt det let seg gjere å skaffe deg den type praksisplass du ønskjer.

Les meir om Helse- og oppvekstfag på vilbli.no

Læreplan i vg1 helse- og oppvekstfag (HSF01-03)

Vg2 helsearbeidarfag

På helsearbeidarfaget får du praktisk og teoretisk opplæring. Her får du kunnskap om helsefremjande arbeid, korleis kroppen er bygd opp, hygiene, førstehjelp, sjukdommar, velferdsteknologi og kosthald. Du lærer om kommunikasjon, samarbeid og sosial kompetanse. I faga får ein  knyte teori og praksis saman, og skulen nyttar ulikt utstyr til sjukepleiaroppgåver. VR briller vert også nytta i opplæringa. 

Praksis utgjer størstedelen av faget yrkesfagleg fordjupning, Du kan vere i praksis på sjukeheim, open omsorg, sjukehus eller bufellesskap. Kvart år blir det utdelt stipend frå Erasmus+ og dei heldige får to veker i praksis i utlandet. Våre elevar reiser til Tyskland. 

Læreplan i vg2 helsearbeiderfag (HEA02‑04)

Vg2 barne- og ungdomsarbeidarfag

Her vil du lære å legge til rette for aktivitet, glede og livsutfalding for barn og unge. Barne- og ungdomsarbeidarar skal vere tydelege rollemodellar som ser det enkelte individet, og er medviten på dei utfordringar barn og unge har i eit fleirkulturelt samfunn. Du får utvikle evna til kommunikasjon i møte med barn, unge og foreldre, tilpassa kulturtilhøyrsle, funksjonsnivå og livssituasjon. Opplæringa er tverrfagleg og praksisnær og bli avslutta med ein tverrfagleg praktisk eksamen.

Kvart år blir det utdelt stipend frå Erasmus+ og dei heldige får to veker i praksis i utlandet. Våre elevar reiser til Tyskland. 

Jobbmoglegheitene for ein fagperson er i hovudsak: barnehage, SFO, støttefunksjonar i grunnskule og vidaregåande skule, barne- og ungdomsklubbar og ulike organisasjonar for barn og unge.

Læreplan i vg2 barne- og ungdomsarbeiderfag (BUA02‑03)