Elektro og datateknologi er ei yrkesfagleg utdanning der du mellom anna lærer om installasjon og vedlikehald av elektriske og elektroniske system. Du går 2-3 år på skule før du kan søkje læreplass. Du kan ta påbygg til generell studiekompetanse før eller etter læretida.
Kvifor velje elektro og datateknologi?
Vil du arbeida som elektrikar, togelektrikar, heismontør, dataelektronikar eller med romteknologi, då er starten elektrofag. Dersom du vel Elektro og datateknologi, er moglegheitene mange og variasjonen stor. Utdanningsprogrammet fører til eit mangfald av yrke for installasjon og vedlikehald av elektriske og elektroniske system.
