Vg1-elevar med føresette blir inviterte til startsamtalar onsdag 17. august. Første skuledag er torsdag 18. august med oppmøte i Øystese. Hugs å skaffa deg PC og å signera avtalar. Alle elevar skal signera låneavtalen. Føresette må signera avtalar for elevar under 18 år. Me gler oss til å treffa dykk!
Velkomne til eitt nytt skuleår!
Første skuledag møter de ute i atriet i Øystese.
- kl. 9: vg2 og vg3
- kl. 10 vg1
Startsamtalar
Vg1-elevar vil få tilsendt SMS med invitasjon til startsamtalar. De møter kontaktlærar eller ein faglærar. Me er interesserte i kva forventningar de har til skuleåret. De vil få ein del praktisk informasjon frå oss. Signer gjerne avtalane på førehand. De kan òg få papirversjonen av avtalen "Betaling for ytingar" på skulen.
Signering av avtalar
- Lenkje for signering av låneavtale for læremiddel (Digital signering)
- Lenkje for signering av avtale om samtykkje til bruk av bilete (Digital signering)
- Betaling for ytingar (Lokalt skjema, signering på papir)
Informasjon
Du finn nyttig informasjon på skulen og fylkeskommunen sine heimesider.
- Elev-PC
- Inntak til vidaregåande skule 2022
- Lån og stipend
- Skuleruta for Kvam vgs. skuleåret 22/23
- Skuleskyss
Visma
Elevar og føresette for elevar under 18 år finn informasjon i Visma in School. Ein kan logga på via nettside eller app.
Når informasjnen er klar får du som elev tilgang til timeplanen din, kva klasse du høyrer til i, fråvær, merknadar, vurderingar og karakterar.
Digitale skjema
Vestland fylkeskommune nyttar digitale samtykkjeskjema. Dokumenta legg seg i den digitale elevmappa di.
Me blir glade om du vil godkjenna at me kan publisera bilete der du er med: Godkjenning av bruk av bilete.
Du må signera digital lånekontrakt for å få låna lærebøker og anna utstyr som skulen har til utlån. Dersom du er under 18 år, må føresette også signera kontrakten. Signeringa gjeld for eitt skuleår om gongen, så alle elevar skal signera ny kontrakt ved skulestart.
Ta kontakt om du lurer på noko!
- Telefon: 56556600
- E-post: post.kvam @ vlfk.no