Frå måndag 9. mars startar Skyss ei gradvis utrulling av ein ny app, «Skyss». Den nye appen vil samle både reiseplanlegging og kjøp av billettar i éin og same app.
Det er viktig å vere merksam på at ikkje alle funksjonar er på plass i den nye appen enno. Dette gjeld mellom anna skuleskyssbillettar.
Elevar med skuleskyssbillett må derfor framleis bruke appen «Skyss Billett» for å vise fram gyldig skuleskyssbillett.
Appen «Skyss Reise» vil bli erstatta av den nye appen «Skyss». «Skyss Billett» vil fungere som før inntil vidare, men er planlagt fasa ut i løpet av 2026. Før dette skjer, vil også skuleskyssbilletten bli tilgjengeleg i den nye appen.
Meir detaljert informasjon om den nye appen vil snart bli publisert på www.skyss.no.